ലേഖകന്‍…!!

വാക്കുകളായി

പിറവിയെടുക്കാന്‍ കൊതിക്കുന്ന

അക്ഷരങ്ങളുണ്ട് എന്‍ തൂലികയില്‍

പ്രാണന് വേണ്ടി തുടിക്കുന്ന

അവയുടെ ഇരമ്പലും

പിറവി നല്കുന്നവനോടുള്ള

യാചനയും എനിക്കുകേള്‍ക്കാം;

തന്‍റെ പിറവിയില്‍

ശൈശവമോ ബാല്യമോ

കൌമാരാമോ യൌവനമോ

വാര്ദ്ധക്ക്യമോ

മാറി മാറി വന്നിടാം

എല്ലാം ഉടലിന്‍റെ മായകള്‍;

എങ്കിലും,

നാരി എന്ന് മുദ്രകുത്തി

സ്നേഹത്തിന്റെയും

ബന്ധങ്ങളുടെയും അര്‍ത്ഥം

വികാരമെന്ന് കൂട്ടിച്ചേര്‍ത്ത

രക്തം കണ്ട് മരവിച്ചവന്റെ

മുന്നില്‍ വലിച്ചെറിയരുതെയെന്നെ;

ഈ യാചനക്ക് മുന്പില്‍

തൂലികയും ശിരസ്സറ്റ യോധവായി...!!

ശ്യാംഷാനവാസ്‌,പുനലൂര്‍