"ജീവിതം തന്നെയാണ് ഏറ്റവും നല്ല കൂട്ടുകാരന്‍"

ഇന്നൊരു മുഖം കണ്ടു..ജീവിതം തോല്‍പിച്ച ഒരു മുഖം...
തോല്‍വിക്ക് ശേഷവും ആഗ്രഹങ്ങള്‍ക്ക് കടിഞ്ഞാണ്‍ ഇട്ട 
ജീവിതത്തെ പുഞ്ചിരിയോടെ ആസ്സ്വതിക്കുന്ന ഒരു മുഖം..
ആ മുഖത്തേക്ക് നോക്കി ഞാനും ഒന്നു ചിരിച്ചു...
ഒരുപക്ഷെ എന്‍റെ ചിരിക്ക് മറുപിടി ഇതായിരുന്നു 
എന്ന് ആ മുഖത്ത് വീണ്ടും നോക്കിയപ്പോള്‍ എനിക്കു തോന്നി.....

"ജീവിതം തന്നെയാണ് ഏറ്റവും നല്ല കൂട്ടുകാരന്‍"
             ശ്യാം ഷാനവാസ്‌ പുനലൂര്‍

             

ലേഖകന്‍…!!

വാക്കുകളായി

പിറവിയെടുക്കാന്‍ കൊതിക്കുന്ന

അക്ഷരങ്ങളുണ്ട് എന്‍ തൂലികയില്‍

പ്രാണന് വേണ്ടി തുടിക്കുന്ന

അവയുടെ ഇരമ്പലും

പിറവി നല്കുന്നവനോടുള്ള

യാചനയും എനിക്കുകേള്‍ക്കാം;

തന്‍റെ പിറവിയില്‍

ശൈശവമോ ബാല്യമോ

കൌമാരാമോ യൌവനമോ

വാര്ദ്ധക്ക്യമോ

മാറി മാറി വന്നിടാം

എല്ലാം ഉടലിന്‍റെ മായകള്‍;

എങ്കിലും,

നാരി എന്ന് മുദ്രകുത്തി

സ്നേഹത്തിന്റെയും

ബന്ധങ്ങളുടെയും അര്‍ത്ഥം

വികാരമെന്ന് കൂട്ടിച്ചേര്‍ത്ത

രക്തം കണ്ട് മരവിച്ചവന്റെ

മുന്നില്‍ വലിച്ചെറിയരുതെയെന്നെ;

ഈ യാചനക്ക് മുന്പില്‍

തൂലികയും ശിരസ്സറ്റ യോധവായി...!!

ശ്യാംഷാനവാസ്‌,പുനലൂര്‍

അദ്ധ്യാപക ദിനാശംസകള്‍.....

സ്നേഹത്തെയും സാഹോദര്യത്തെയും
സംസ്കാരത്തെയും മതത്തെയും 
വിശ്വാസത്തെയും മണ്ണിനെയും 
പെണ്ണിനെയും മരങ്ങളെയും 
കാറ്റിനെയും കടലിനെയും 
വെള്ളത്തെയും വായുവിനെയും 
ആകാശത്തെയും അങ്ങനെ അങ്ങനെ
ഇന്ന് ഈ ലോകത്തിന്‍റെ
ഓരോ സ്പന്ദനങ്ങളെയും
അക്ഷരങ്ങളില്‍ മറഞ്ഞിരുന്ന 
അറിവിലൂടെ പഠിപിച്ച ഗുരുനാഥന്‍മാരെ 
നിങ്ങളുടെ ഓര്‍മകള്‍ക്ക് 
മുന്നില്‍ വന്ദനം....!!!!
വന്ദനം പ്രിയ ഗുരുക്കന്മാരെ....!!!
എല്ലാ പ്രിയപ്പെട്ടവർക്കും അദ്ധ്യാപക ദിനാശംസകള്‍.....
ശ്യാം ഷാനവാസ്‌